>News & Updates
About Us

  • حکومت بینک آف آزاد جموں و کشمیر
    کی ترقی اور بہتری کے لئے تمام ممکنہ اقدامات کر رہی ہے،وزیر خزانہ آزاد کشمیر
    عملے کے مفادات کا تحفظ اور پیشہ ورانہ ماحول کی فراہمی یقینی بنا دی گئی، خان عبدالماجد خان
    بینک کا ششماہی منافع409ملین روپے کی بلند ترین سطح پر پہنچنا ادارے کی تیز رفتار ترقی کی جانب غیر معمولی پیش رفت ہے، صدر خاور سعید اور دیگر کاتقریب سے خطاب
    مظفرآباد
    بینک آف آزاد جموں و کشمیر کامنافع رواں سال کے پہلی ششماہی میں بڑھ کر409ملین روپے کی بلند ترین سطح پر پہنچ گیا جوکہ ادارے کی تیز رفتار ترقی کی جانب غیر معمولی پیش رفت ہے۔ اس سلسلے میں گزشتہ روز ہیڈ آفس پر ایک تقریب منعقد ہوئی جس کے مہمان خصوصی آزاد حکومت ریاست جموں وکشمیر کے وزیر خزانہ، کواپریٹو، ان لینڈ ریونیو اور چیئر مین بینک جناب خان عبد الماجد خان نے کی۔اس موقع پر ڈویژنل ہیڈز، ریجنل کنٹرولر، زونل چیف، برانچ منیجرز اور دیگر افسران بھی موجود تھے۔ وزیر حکومت نے اپنے صدارتی خطاب میں کہا کہ ریاست کی سرپرستی میں چلنے والا بینک ترقی کی راہ پر گامزن ہو گیاہے۔بینک عملے کی لگن اور محنت سے منافع جات، ڈیپازٹس، ترسیلات زر اور اثاثہ جات سمیت تمام شعبوں میں نمایاں بزنس نتائج حاصل کئے گئے ہیں۔ انہوں نے کہا کہ حکومت بینک کی ترقی اور بہتری کے لئے تمام ممکنہ اقدامات کر رہی ہے۔عملے کے مفادات کا تحفظ اور پیشہ ورانہ ماحول کی فراہمی یقینی بنا دی گئی ہے۔ اس سے قبل صدر اور چیف ایگزیکٹو آفیسر جناب خاور سعید نے بریفنگ میں کہا کہ سال 2019میں بینک کا منافع 139ملین روپے تھا جو2020میں زیادہ ہو کر 301ملین اور2021میں 229فیصد کے تاریخی اضافے کے ساتھ458ملین روپے کی سطح پر پہنچا۔ سال2022 کی پہلی شش ماہی میں منافع دوگنا ہو کر409ملین روپے ہو گیا جب کہ گزشتہ سال کی شش ماہی میں منافع 205ملین روپے تھا۔انہوں نے کہا کہ بینک کے کل اثاثہ جات 27ارب روپے تک پہنچ گئے۔صدر بینک کا کہنا تھا کہ حکومت آزاد کشمیر کی سرپرستی، بورڈ آف ڈائریکٹرز بالخصوص خان عبدالماجد خان کی مخلصانہ کاوشوں اور بینک کے ٹیم ورک سے بہترین کاروباری نتائج کا حصول ممکن ہوا اور سال کی پہلی ششماہی میں بھی تاریخی فنانشل نتائج حاصل کئے گئے۔ اس موقع پر کیک بھی کاٹا گیا۔

    بینک آف آزاد جموں و کشمیرکا ترقی کی جانب سفر جاری، میرپورکے منگلا ہملٹ اور کوٹلی روڈ پر 2نئی برانچوں کا افتتاح،کل تعداد80ہو گئی حکومت ریاستی بینک کی ترقی اور اسے صف اول کے بینکوں میں شامل کرنے کے لئے اقدامات کر رہی ہے، خان عبدالماجد خان، چوہدری ارشد حسین نئی برانچز کھولنے سے صارفین کو ان کی دہلیز پر بینکنگ سہولیات فراہم، تعلیم یافتہ نوجوانوں کو روزگار کے مواقع دستیاب ہورہے ہیں، صدر خاور سعید میرپور بینک آف آزاد جموں و کشمیرنے ترقی کا سفر جاری رکھتے ہوئے میرپورکے منگلا ہملٹ اور کوٹلی روڈ میں 2نئی برانچیں کھول کرانہیں مکمل طور پر آپریشنل بنا دیا۔کوٹلی روڈ میر پور میں بینک کی79ویں برانچ کا افتتاح آزاد حکومت ریاست جموں وکشمیر کے وزیر خزانہ، کواپریٹیوز و ان لینڈ ریونیواور چیئر مین بینک جناب خان عبدالماجد خان نے کیا جب کہ منگلا ہملٹ میں 80ویں برانچ کا افتتاح ریاستی وزیر خزانہ اور ان کے ہمراہ وزیر توانائی، آبی وسائل و ادارہ ترقیات میر پورچوہدری ارشد حسین نے کیا۔ اس موقع پر آزاد کشمیر کی ترقی، پاکستان کی سلامتی اور بینک کی کامیابی کے لئے دعائیں مانگی گئیں۔افتتاحی تقریبات میں بینک کے سینئر ایگزیکٹوز، کاروباری شخصیات سمیت زندگی کے مختلف شعبہ جات سے تعلق رکھنے والے افراد کثیر تعداد میں موجود تھے۔ وزرائے حکومت نے بات چیت کرتے ہوئے کہا کہ حکومت ریاستی بینک کی ترقی اور اسے صف اول کے بینکوں میں شامل کرنے کے لئے اقدامات کر رہی ہے۔میر پور شہر میں 2 نئی برانچیں کھولنے کے بعد بینک کی کل برانچوں کی تعداد بڑھ کر80ہو گئی ہے۔ نئی برانچز کھولنے سے میرپورکی بڑی آبادی مستفید ہو گی اور معزز صارفین کو ان کی دہلیز پر بینکنگ سہولیات فراہم ہوں گی۔ یاد رہے بینک شاندار کارکردگی کا مظاہرہ کرتے ہوئے تاریخ سازمنافع کمارہا ہے۔ڈیپازٹس،اثاثہ جات اور ترسیلات زر سمیت دیگر شعبہ جات میں قابل قدر اضافہ ہو اہے۔جب کہ ریاست کے مزید علاقے بینک آف آزاد جموں و کشمیر کے نیٹ ورک میں شامل ہوگئے ہیں۔بینک پر اعتماد کی وجہ سے ممتاز کاروباری شخصیات سمیت ان علاقوں کے عوام نے بڑی تعداد میں نئی برانچوں میں اپنے اکاؤنٹ کھولے اور بینک کی کامیابی میں اپنا کردار ادا کرنے کا عزم کیا۔ بینک مزید کئی علاقوں میں نئی برانچز کھولے گا تاکہ ان علاقوں کے صارفین کوبھی ان کی دہلیز پر بینکاری سہولیات فراہم ہو سکیں۔ریاست کے واحد مالیاتی ادارے کے صدر اور چیف ایگزیکٹو آفیسر جناب خاور سعید کا کہنا ہے کہ نئی برانچز کھولنے سے بینک کا نہ صرف برانچ نیٹ ورک پھیل رہا ہے بلکہ آزاد ریاست کے دوردراز علاقوں میں صارفین کو بینکنگ سہولیات کی فراہمی سمیت تعلیم یافتہ نوجوانوں کو روزگار کے مواقع بھی دستیاب ہورہے ہیں۔ نئی برانچز کھولنے پر ان علاقوں کی بزنس کمیونٹی، ملازمین سمیت ہر شعبہ زندگی سے تعلق رکھنے والے صارفین بینک کے ساتھ بزنس کو فروغ دینے میں دلچسپی رکھتے ہیں۔کسٹمر سروس میں مزید بہتری کے عزم کے ساتھ بینک معزز صارفین کی ترقی اور کا میابی کے لئے دعا گوہے۔

    بینک آف آزاد جموں و کشمیر کی جانب سے معزز صارفین کو ان کی دہلیز پر بینکنگ سہولیات کی فراہمی کے تحت ”چناری“ میں برانچ کھول دی گئی۔مظفر آباد سرینگر شاہرہ پر دریائے جہلم کے کنارے ہزاروں کی آبادی پر مشتمل اس علاقہ میں ریاست کے واحد معتبرسرکاری مالیاتی ادارے کی نئی برانچ میں کاروباری شخصیات، سرکاری ملازمین، طلباء سمیت عوام علاقہ نے اپنے اکاؤنٹ کھولے اور بینک کی کامیابی میں اپنا کردار ادا کرنے کا عزم ظاہر کیا۔نئی برانچ کھلنے کے بعد ریاستی بینک کی برانچوں کی کل تعداد 76ہو گئی ہے۔ صارفین کو ان کی دہلیز پر بینکاری سہولیات فراہم کرنے کے لئے بینک کی جانب سے مزیدبرانچیں کھولی جائیں گی۔بینک کے صدر اور چیف ایگزیکٹو آفیسر جناب خاور سعید نے کہا ہے کہ رواں سال اب تک بینک آف آزاد جموں وکشمیرکی6نئی برانچیں کھولنے سے ریاست کے واحد مالیاتی ادارے کا نہ صرف برانچ نیٹ ورک تیزی سے پھیل رہا ہے بلکہ آزاد ریاست کے دوردراز علاقوں میں صارفین کو بینکنگ سہولیات کی فراہمی سے تعلیم یافتہ نوجوانوں کو روزگار کے مواقع بھی دستیاب ہورہے ہیں۔انہوں نے کہا ریاستی حکومت بالخصوص وزیر خزانہ، ان لینڈ ریونیو و امداد باہمی جناب خان عبدالماجد خان جو کہ بینک چیئر مین بھی ہیں، کی رہنمائی میں اس خطے کی معاشی اور سماجی ترقی بینک کا نصب العین بن چکی ہے۔یہاں یہ امر قابل زکر ہے کہ رواں سال اکتوبر تک بینک کا منافع بڑھ کر 398ملین روپے تک پہنچ گیاجو کہ بینک کی 15سالہ تاریخ میں ایک ریکارڈ ہے۔اسی طرح دیگر شعبہ جات ڈیپازٹس،ترسیلات زر، اثاثہ جات،قرضہ جات کی فراہمی میں بھی تاریخ ساز اضافہ ہوا ہے۔ نئی برانچیں کھولنے پر ان علاقوں کی بزنس کمیونٹی، ملازمین، طلباء سمیت ہر شعبہ زندگی سے تعلق رکھنے والے عوام نے جس طرح کشمیر بینک کے ساتھ کاروباری تعلقات قائم کرنے کا عزم ظاہر کیا اس سے ہمارے حوصلے مزید بلند ہو گئے ہیں۔ یاد رہے31دسمبر2020کو بینک کی برانچوں کی کل تعداد70تھی۔ رواں سال 2021کے دوران اب تک6 نئی برانچیں کھول کر انہیں آپریشنل کیا جا چکا ہے


  • ریاستی وزیر خزانہ، ان لینڈ ریونیو و امداد باہمی اور چیئر مین بینک آف آزاد جموں و کشمیرجناب خان عبدالماجد خان کی زیرصدارت بینک کے ہیڈ آفس پر بورڈ آف ڈائریکٹرز کا 57واں اجلاس منعقد ہوا۔ اجلاس میں ڈائریکٹرز،سیکریٹری فنانس جناب عصمت اللہ شاہ، سیکریٹری انڈسٹریز سید ظہورالحسن گیلانی،سیکریٹری قانون و پارلیمانی امور جناب ارشاد احمد قریشی،بورڈ کے پرائیویٹ ممبرا ن چوہدری محمد اختر، سید حیدر عباس، جناب مبشر نبی، جناب ذوالفقار عباسی سمیت کمپنی سیکریٹری جناب معاذ اللہ خان نے بھی شر کت کی۔اجلاس کے آغاز پر چیئر مین نے تمام نئے ممبرا ن کا خیر مقدم کرتے ہوئے انہیں بورڈ کے ڈائریکٹر زمقرر ہونے پر مبارک باد پیش کی۔اس موقع پر ریاستی وزیر خزانہ نے کہا کہ بینک ترقی کی راہ پر گامزن ہے۔ آزاد حکومت کی سر پرستی میں اس ادارے کو کامیاب اور صف اول کے بینکوں میں شامل کرنے کے لئے تمام کوششیں بروئے کار لائی جا رہی ہیں۔انہوں نے امید ظاہر کی کہ ریاست کا یہ واحد مالیاتی ادارہ بہترین بزنس نتائج کے حصول کے لئے مزیدجانفشانی سے پیشہ ورانہ خدمات سر انجام دینے کا سلسلہ جاری رکھے گا۔ قبل ازیں صدر بینک جناب خاور سعید نے بریفنگ دیتے ہوئے کہا کہ ریاستی بینک شاندار کارکردگی کا مظاہرہ کرتے ہوئے منافع، ڈیپازٹس،ترسیلات زر، اثاثہ جات،قرضہ جات کی فراہمی میں نہ صرف اضافہ کر رہا ہے بلکہ گزشتہ دو سال سے بھی کم عرصہ میں بزنس اہداف عبورکرتے ہوئے بینک کی 15سالہ تاریخ میں ریکارڈ قائم کئے ہیں۔کسٹمر سروس میں بہتری، کمپلائنس اور آپریشنل کنٹرول پر خصوصی توجہ دی گئی ہے۔رواں سال اب تک 6 نئی برانچیں کھولنے کے بعد بینک کا نیٹ ورک76برانچوں تک پھیل گیا ہے۔ صارفین کو ان کی دہلیز پرخدمات فراہم کرنے کے لئے مزید برانچیں کھولی جائیں گی۔ریاست کی معاشی اور سماجی بہتری کے لئے سیاحت اور صحت عامہ کی ترقی، ریاستی ملازمین کے لئے ایڈوانس سیلر ی سکیم، گھر کی تعمیر،نئی گاڑی کی خریداری،گولڈ لون جیسی قرضہ جات کی بہترین، معیاری اور انشورنس کی حامل سکیمیں لانچ کی گئی ہیں جب کہ انتہائی آسان شرائط اور سب سے کم ترین مارک اپ پر قرضہ جات کی فوری ادائیگی کی جاتی ہے۔ منافع اور ترسیلات زر میں اضافے کے لئے مستند کمپنیوں سے معاہدے کئے گئے ہیں۔بینک میں جدیدبینکاری تقاضوں سے مطابقت رکھنے والی انفارمیشن ٹیکنالوجی نصب کی جا رہی ہے۔


  • صدر آزاد جموں وکشمیر بیرسٹر سلطان محمود چوہدری سے بینک آف آزاد جموں وکشمیر کے صدر خاور سعید کی ملاقات۔ صدر ریاست نے کہا کہ بینک آف آزاد جموں وکشمیر کا مستقبل روشن ہے اور اس پر عوام کا مکمل اعتماد ہے۔ بینک قیادت کے متحرک اور پر اعتماد ہونے کی وجہ سے ہدف سے بڑھ کر کامیابیاں حاصل کی جا رہی ہیں۔ گزشتہ روز یہاں صدر ریاست سے بینک آف آزاد جموں وکشمیر کے صدر خاور سعید نے صدر ریاست کا عہدہ سنبھالنے پر مبارکباد پیش کی۔ اس دوران صدر کشمیر بینک خاور سعید نے صدر ریاست بیرسٹر سلطان محمود چوہدری کو آزادکشمیر کے واحد مالیاتی ادارے کے فنانشل نتائج پر بریفنگ دی اور اس عزم کا اظہار کیا کہ بینک کو حکومت اور معزز صارفین کی سرپرستی اور تعاون سے صف اول کا مالیاتی ادارہ بنایا جائے گا۔ انہوں نے کہا کہ بینک نے صرف گزشتہ ڈیڑھ سال کی انتھک محنت اور جدوجہد سے منافع اثاثہ جات، ڈیپازٹس سمیت دیگر شعبوں میں شاندار اضافہ کیا۔ اس موقع پر صدر ریاست نے کہا کہ بینک آف آزاد جموں وکشمیر ہمارا قومی بینک ہے ریاست میں معاشی سرگرمیوں کا آغاز ہو چکا ہے یہاں ہر شعبہ ہائے زندگی میں تیز رفتار ترقی ہونے والی ہے جس سے معاشی سرمایہ کاری اور تجارت میں اضافہ ہو گا۔ اس سب میں بینک آف آزادجموں وکشمیر کا کلیدی اور اہم کردار ہو گا۔ صدر ریاست کا کہنا تھا کہ بینک آف آزادجموں وکشمیر جلد کامیاب ترین بینکوں کی صف مین شامل ہو گا۔ صارفین کو آگے بڑھ کر اپنے قومی بینک کے ساتھ بھرپور تعاون کرنا چاہیے۔ اس موقع پر صدر ریاست نے کہا کہ کشمیر بینک بہتر انداز میں فعال ہونے سے اوورسیز کشمیری بھی اس میں زرمبادلہ بھیجیں گے جس سے ریاست کی اقتصادی حالت میں بہتری ہو گی۔


  • آزاد ریاست جموں و کشمیر کے وزیراعظم سردار عبدالقیوم خان نیازی سے گزشتہ روز بینک آف آزاد جموں و کشمیر کے صدر اور چیف ایگزیکٹو آفیسر جناب خاور سعید نے ملاقات کی۔ ملاقات کے دوران ریاست کے واحد مالیاتی ادارے کی کارکردگی کے بارے میں بریفنگ دی گئی۔ اس موقع پر وزیراعظم نے کہا کہ بینک آف آزاد جموں و کشمیر موجودہ حکومت کے دور میں ترقی اور کامیابی کی منازل تیز رفتاری سے طے کرے گا۔ اس دوران بتایا گیا کہ بینک آف آزاد جموں و کشمیر کامیابی آور ترقی کی نئی راہ پر گامزن ہوکر ریاست کی معاشی اور سماجی ترقی میں نمایاں کردار ادا کر رہا ہے۔ بینک نے سال 2020 کی طرح سال2021کی پہلی ششماہی میں بھی شاندار کارکردگی کا مظاہرہ کرتے ہوئے تاریخ سازمنافع کمایا۔ڈیپازٹس اور ترسیلات زر سمیت دیگر شعبہ جات میں قابل قدر اضافہ کیا گیا۔سال 2020 میں بینک کا منافع125فیصد اضافے کے ساتھ301ملین روپے کی بلند ترین سطح پر پہنچ گیاجو کہ بینک کی 15سالہ تاریخ میں ایک ریکارڈ ہے۔جب کہ دسمبر2019میں بینک کا منافع کم ہو کر134ملین روپے رہ گیا تھا۔بینک نے کامیابی کا سفر جاری رکھتے ہوئے30جون2021تک 204.545ملین روپے آپریٹنگ منافع کمایا۔رواں سال30جون2021تک بینک کے کل ڈیپازٹس بڑھ کر 17.79ارب روپے تک پہنچ گئے جوکہ بینک کی تاریخ میں اب تک سب سے زیادہ ہیں۔سال2021میں 30جون تک بینک کے ترسیلات زر(ہوم ریمیٹنسز) میں بھی اضافہ ہوا اور یہ بڑھ کر 2.9ارب روپے ہو گئے۔ترسیلات زر میں اضافہ بینک کی ابتداء سے اب تک سب سے زیادہ ہے۔ سال2021میں 30جون تک بینک کے کل اثاثہ جات کی مالیت بڑھ کر 24.316ارب روپے کی بلند ترین سطح پر پہنچ گئی۔یہاں یہ بات قابل ذکر ہے کہ سال 2021کے پہلے6ماہ میں بینک کی آپریشنل برانچز کی تعداد 70 سے بڑھا کر75کر دی گئی۔ ریاست کے ہر ضلع، تحصیل اور یونین کونسل میں صارفین کو ان کی دہلیز پر بینکنگ خدمات کے لئے آپریشنل برانچز کی تعداد میں اضافہ کرتے ہوئے برانچز نیٹ ورک بڑھایا جا رہا ہے۔بریفنگ کے بعد وزیراعظم نے کہا کہ ریاستی بینک حکومت کی سرپرستی میں دن دوگنی اور رات چوگنی ترقی کرے گا۔


  • آزاد حکومت ریاست جموں و کشمیر کے وزیر خزانہ جناب عبدالماجدخان نے اس عزم کا اظہار کیا ہے کہ موجودہ حکومت ریاست کے واحد مالیاتی ادارے بینک آف آزاد جموں و کشمیرکی تیز ترین ترقی کے لئے اقدامات کرے گی اور اسے صف اول کا بینک بنانے کے لئے تمام ممکنہ وسائل بروئے کار لائے جائیں گے۔وہ بینک آف آزادجموں و کشمیر کے ہیڈ آفس کے دورے کے موقع پراظہار خیال کر رہے تھے جہاں وزیر حکومت کو دسمبر2020اورجون2021کے فنانشل نتائج کے بارے میں بریفنگ دی گئی۔ بینک کے صدر اور چیف ایگزیکٹو آفیسر جناب خاور سعید نے کہا کہ بینک کے منافع جات، ڈیپازٹس،اثاثہ جات اور ترسیلات زر سمیت دیگر شعبہ جات میں تاریخی اضافہ ہوا ہے جب کہ بینک کی کارکردگی آئے روز بہتر ہو رہی ہے۔اس دوران بینک آف آزاد جموں و کشمیر کو ایک مثالی مالیاتی ادارہ بنانے کے لئے پیشہ ورانہ حکمت عملی اور اقدامات زیرغور لائے گئے۔وزیر مالیات کا کہنا تھاکہ صارفین ہی بینک کا قیمتی اثاثہ ہیں اور ریاستی عوام کو ان کی دہلیز پر بینکنگ سہولیات فراہم کرنا موجودہ حکومت کی ترجیحات میں شامل ہے۔ بینک آف آزاد جموں و کشمیر کے ہیڈ آفس کے دورے کے بعد وزیر حکومت نے مین برانچ میں اپنازاتی اکاؤنٹ کھولا۔ بینک کی مین برانچ پہنچنے پر انھوں نے وہاں موجودسٹاف کی خیریت دریافت کی اور ان کے لئے نیک خواہشات کا اظہار کیا۔ انھوں نے بینک کے عملے کو پیشہ ورانہ بینکنگ خدمات مزید احسن طور پر انجام دینے اور معزز صارفین کو خندہ پیشانی سے بینکاری سہولیات بہم پہنچانے کی تاکید کی۔

  • The Bank of Azad Jammu and Kashmir has completed 14 years of its operations. The 14th anniversary of the bank was celebrated under the chair of Mr. Khawar Saeed, President/CEO which was attended by the Senior Management, Executives, Managers and other employees at Head Office of the Bank.

  • Bank of Azad Jammu and Kashmir officials participate in a walk held here to show solidarity with the victims of October 08, 2005 earthquake, to mark the anniversary on Wednesday.

  • چیف سیکریٹری آزاد کشمیر ڈاکٹر شہزاد خان بنگش نے بینک آف آزاد جموں و کشمیر کی طرف سے سرکاری ملازمین کے لئے متعارف کی گئی 20لاکھ روپے تک کی ایڈوانس سیلری سکیم کا افتتاح کر دیا۔ جمعرات کو یہاں منعقدہ ایک تقریب کے دوران چیف سیکریٹری جو بینک کے چیئر مین بھی ہیں، نے فیتہ کاٹ کر سکیم کا افتتاح کیا۔ اس موقع پر انہوں نے بینک میں اپنا زاتی اکاؤنٹ بھی کھولا اور شرکاء سے بات چیت کرتے ہوئے کہا کہ ایڈوانس سیلری سکیم سرکاری ملازمین کے لئے بینک کی طرف سے احسن اقدام ہے، ملازمین اس سے مستفید ہوکر اپنی ضروریات پوری کر سکتے ہیں۔ حکومت ریاستی بینک کی ترقی اور صارفین کو بہترین وجدید بینکنگ سہولیات کی فراہمی کے لئے ہر ممکن اقدامات کرے گی۔اس موقع پر سیکریٹری فنانس عصمت اللہ شاہ بھی موجود تھے جنھوں نے بینک کی سکیم کی تعریف کی۔
    قبل ازیں بینک آف آزاد جموں و کشمیر کے صدر خاور سعید نے اپنی بریفنگ میں کہا کہ بینک کی طرٖف سے سرکاری اور خودمختار اداروں کے ملازمین کے لئے 20لاکھ روپے تک آسان شرائط پر قرض سکیم سے ملازمین کا معیار زندگی بہتر ہو گا۔ انہوں نے بینک کی کامیابی و ترقی کے لئے سرپرستی اور اپنا زاتی اکاؤنٹ کھولنے پر چیف سیکریٹری صاحب کا شکریہ ادا کرتے ہوئے کہا کہ بینک ان کی رہنمائی میں معزز کھاتہ داروں کی پیشہ ورانہ خدمات میں مزید بہتری لاتے ہوئے ترقی کا سفر جاری رکھے گا۔ چیف سیکریٹری نے پیشہ ورانہ بینکاری خدمات میں مزید بہتری لانے پر صدر بینک اور ان کی ٹیم کی تعریف کی۔

  • Senior Member Board of Revenue (SMBR) GoAJK, Mr. Fayyaz Ali Abbasi chairs a meeting of BAJK BOD's Audit Committee on Monday.

  • PA formal agreement signing ceremony between The Bank of Azad Jammu & Kashmir and M/s Data Check was held on September 26,2020 at Serena Hotel, Islamabad.

  • Mr. Khawar Saeed, President/CEO BAJK presides over a meeting of Special Assets Management Division (SAMD) held at head office on Wednesday.

  • President/CEO Mr. Khawar Saeed awarding certificates of appreciation along with cash prizes to the Branch Managers of Muzaffarabad Zone and Zonal Chief of North Region for their best performance in the first quarter of 2020, at BAJK head office here on Tuesday.

  • Chief Secretary Azad State of Jammu and Kashmir Mr. Mathar Niaz Rana presides over 45th meeting of BAJK BoD's on Thursday via video link amid the nationwide lock-down to contain the spread of corona-virus. Besides Chief Secretary, Senior Member Board of Revenue (SMBR) GoAJK Mr. Fayyaz Ali Abbasi, President/CEO BAJK Mr. Khawar Saeed, Secretary Finance GoAJK Mr. Asmatullah Shah,Secretary Forest GoAJK Syed Zahoor-ul-Hassan Gillani and Secretary Industries GoAJK Mr. Mohammad Ahsen were present in Muzaffarabad, while other members of the Board Mr. Ejaz Hussain Rathore, Raja Mumtaz Ali and Mr. Naveed Sadiq were connected via video link from Kashmir House, Islamabad and Mirpur.

  • Senior Member Board of Revenue (SMBR) GoAJK, Mr. Fayyaz Ali Abbasi chairs a meeting of BAJK BoD's Audit Committee on Tuesday via video link amid the nationwide lock-down to contain the spread of corona-virus.

  • Bank of Azad Jammu and Kashmir inaugurates its 70th online Branch at Brarkot, the main meeting point of Hazara region (KPK) and Muzaffarbad (AJK), on Thursday. The newly opened Branch was inaugurated by Mr. Mathar Niaz Rana,Chief Secretary Azad Government of The State of Jammu and Kashmir, who is also the Chairman of BAJK.

  • Senior Member Board of Revenue (SMBR) GoAJK, Mr. Fayyaz Ali Abbasi chairs BAJK BoD's Audit Committee meeting held at Kashmir House, Islamabad on Wednesday.

  • Muzaffarabad: Mr. Khawar Saeed has assumed the charge of President/CEO of The Bank Of Azad Jammu & Kashmir under Notification no. S&GAD/A-15(10)2019(Gazetted-I) of Services & General Administration Department.